يسالونني لماذا الحزن؟؟

يسألوني لماذا الحزن ساكن حروفي
ماعرفوا عن مدينة الحزن اللي وسط جوفي
مدينه ماتعرف نهار ...مدينه ليس بها أنوار
فيها أسرار...مهجوره ولا فيها أي دار
أمطارها دموع عيني ...سحابها قسوة سنيني
حدودها صحراء جفاف ...منها الفرح يخشى ويخاف
يعرف أن ليس له مكان...صعب يخترق سور الأحزان
وهذي حكاية مدينه بقلبي ...هي سبب همي وتعبي
عايش بها طفل صغير ...بداخله حلم كبير
مايبي يصبح أمير ...ولا في منصب وزير
كل اللي محتاجه حنان...وحضن يعطيه الأمان
وقلب يحتويه لاجار الزمان...وإنسان يبعده عن الحرمان
للأسف مالقى... إلا همومه والشقى... وكل الذي حوله بقى
آثار أحرقتها النار ...وقبور وقلبه مكسور
مسكين الدنيا ضده ...والدمع سايل على خده
بعد هذا ماذا ترجون مني ...غير البكى ويا التمني
ربي يفرجها قريب ...وألتقي بذاك الحبيب
اللي لاشفته جروحي تطيب
ويفتح أسوار المدينه...ويقول ياعمري لماذاأنتي حزينه
آمري ماذا اللي تريدنه
هذا أنا كلي فداك ...لو طلبتي عيوني قلت جاك
مابي الدمعه بعيونك...كل هالعالم لايهمونك
راح أنسيك اللي فات ...ماضيك الأليم والذكريات
ونبدا حياة كلها أفراح ومسرات...
ما للألم فيها وجود ...ماللفرح فيها حدود
شمسها نظرة عيونك ...وليلها بغمضة جفونك
كل من فيها تحت طوعك...اسمحي لي إلا دموعك
هذي لي أنا لحالي...هذي عندي شيء غاالي
ماأبي أشوف بعيونك إلا دموع الفرح والشوق...اللي يفز لها الخفوق
ومادام راسي يشم الهوا ...وأعيش أنا وأنتي سوا
أوعدك إني أحتويك ...وسط قلبي اللي يعزك ويغليك